وبناءً عليه كل ما تم ترتيبة من سلطة وانتخاب رئيس سلطة (في محمية غزة)...وانتخابات حكومة ورئيس حكومة كله لاغي وفاشل .....كله خدع بصرية وسمعية وذهنية وسياسية (كله سراب)...عم ننجرف وراها .......زينو المحمية على انها سلطة (لاتملك سلطة إلا لقمع أبناء هالوطن "شعب الجبارين يللي ما قدر عليهن الاحتلال على مدى 58سنة) وليقضوا على الشعب العنصر -الانساني- الوحيد المقاوم في رحم الوطن ......تخيلوا لو قتل الفلسطينية بعضهن البعض؟؟؟ لك مين يللي رح يقاوم؟؟؟ لمين رح بتضل الأرض؟؟؟؟
مقابل كرسي (قيادة) لا خندق بندقية (للتحرير) رح نقدم فلسطين لبني صهون على طبق من كريستال ملئ بأشلاءنا المقاومة مختلطة بشلال دمائنا الـــمهدورة هباء منثورا .
أفيقوا قبل ان يقاوم عنكم الحجر والشجر
وأخشى ان هذا اليوم صار قريب
فإن انتهى الشعب فهنالك عناصر أخرى في الوطن _غير إنسانية _ ستقاوم في سبيل الحرية
ففلسطين "مخلوق" يأبى أن يتنفس إلا الحرية
وعزفا دوياً من رصاص وقطرات دِما
أوتخون الجرح هاذي البندقية؟؟؟
ليس رثاء حالي ابداعا بل هو ألما حقيقيا
فيا صاحبَيْ رحلي دنا الموتُ فانزِلا
برابيةٍ إنّي مقيمٌ لياليا
أقيما عليَّ اليوم أو بعضَ ليلةٍ
ولا تُعجلاني قد تَبيَّن شانِيا
وقوما إذا ما استلَّ روحي فهيِّئا
لِيَ السِّدْرَ والأكفانَ عند فَنائيا
وخُطَّا بأطراف الأسنّة مضجَعي
ورُدّا على عينيَّ فَضْلَ رِدائيا
ولا تحسداني باركَ اللهُ فيكما
من الأرض ذات العرض أن تُوسِعا ليا
خذاني فجرّاني بثوبي إليكما
فقد كنتُ قبل اليوم صَعْباً قِياديا
وطن لا يتنفس إلا الحرية
قمة (الموت من الألم) يتجسد بالرثاء وقمة الرثاء أن يرثي أحدنا نفسه
المطلوب هو الإبداع في الموت ...
.
.
الاربعاء, 10 يناير, 2007
سلام الله على المقاومين الصابرين المصابرين الثابتين ورحمته ونصره وبركاته
رح بدي احكي لكم كم كلمة بالفلسطيني ... بالعربي الفلسطيني
ممكن؟؟؟؟
كرمال يكون الحكي واضح وما فيه أي لبس ...ويللي بحب ببقى ترجم له الكلمات الصعبة يللي مو بمعجم اللغة العربية الفصيحة يللي بتيجي في سياق كلامي....ويللي هو خاصة لولاد فلسطين..... شعب الجبارين المرابطين في فلسطين ...... واعتبروا يللي بيحكيكم هلأ هي إمكم الأرض "فلسطين" وبشكل مباشر بلسانه العربي اللغة الفلسطيني اللهجة
لأني ما رح بحكي سريالي هالمرة ولا رح بكتب هيلوغريفي
وما رح بيكون أي لسان تاني غيره ويللي ما رح بيفهم على لسان فلسطين فبالتأكيد هو تأمرك أو أو تبرطن أو تصهين أو بصراحة أكتر منو من أولادي الفلسطينيين الأصل فحق الوطن يشك انو هاد منه
ّ!!!!!
تنبلش الحكي وعم قول الحكي مو إطلاق الرصاص
يللي ما قدروا عليه بالاحتلال الجغرافي
رح يقدروا عليه بالاحتلال الإنساني
والهدف النهائي هو إقامة دولة "إسرائيل العظمى" في قلب الوطن العربي ....وقلب هالوطن ان كنتوا غشيمين عنه هو .....فلسطين
كرمال هيك لمن احتلوا الوطن العربي جغرافيا و بلشوا بتقطيعه وقسموه التقسيم الأول (بالسايكس والسكاكين)
كان الهجوم الأول على هالجسم الواحد ففصلوه أردن وسوريا ولبنان والسعودية والعراق والكويت ومصر....وهلم جرا
لبلدان عربية (تجزئة حدودية دولية) زرعوا بهيك أول تفرقة جواته
ولا تنسوا.... هن خلوا مناطق "ونـُـدب" شوية تضاريس
من هالجسم مشاع كرمال تيحكها الجسم بيدين حكامه
وكل حدن عم يحاول يلملم لنفسه قطع أكبر من هالقطع المشاع
!!!! ان عنت عليه أوجاعه"أطماعه" فلتزيد على هالجسم الأوجاع
وتشكلت من هون مزيدا من الأطماع ومزيدا من القـطــــّاع ين
وبلشوا سوا التشويه فهالجسم أكتر وأكتر
و كان أوج التقطيع إستعمارهن فلسطين وتمكين اليهود منها زرعوا في هاد القلب أول غدة سرطانية كبيرة وظاهرة للعين
وفي الدول العربية المقطعة زرعوا غددهم السرطانية الصغيرة
وظنوا انهن استقروا في هاد القلب.... في رحمي ليكبروا في هاد الرحم الطاهر ويولدوا منه إلى العالم كله
العالم كله؟؟؟؟؟ أيوة هن هيك راسمين ومخططين
لحتى ينتقموا من الرب يللي توهن في الأرض (كل الأرض) سنين
بس هاد الرحم رفض الاغتصاب ورفض أي جسم غريب "كتل سرطانية" في رحمه وتشكلت من كل إبن له خالص من رحم هاد الوطن وقلبه أجسام مقاومة (إنسانية) إسمها شعب الجبارين
قاوم هالشعب "الأجسام المضادة الطبيعية" "الغدة السرطانية الأكبر" ... وقدم دموا الطاهر تيعوض الأرض دماءً نقية بدل من خمور السفاحين ومجون الغاصبين وصار من أشلائه يقدم قطع الــــــ ّلحم تيضمد ويرمم جراح الوطن من طعن السكاكين
وبقي هالشعب يقاوم ويستلحم حتى صار له عهـلحال
بحربه الوجودية ....الاستنزافية
ثمانية وخمسين
ورب دم الشهدا .....مش باقي له أكتر من سنتين
لازم يا شعبنا تكمل الدرب
لازم تكمل وما تخلي الغدة السرطانية تآكلك وتلتهمك لإنهن عرفوا من بعد كل هالسنين ....... إنو ما ممكن يتمكنوا من هالقلب ولا ممكن يقضوا عليه إلا إن هم عليك أولا كانوا قاضيين
فالشعب أشرس الأجسام "الإنسانية" المضادة المقاومة .....في هالجسم وان ما قضوا عليه هن بيعرفوا إنهن مش قايمين.... ولا دولة عظمى صايرين ،،،وإن قضوا عليك فضيت إلهن الأرض وصارت لقمة ولا أسوغ للمفترسين
وكرمال هيك هن رجعوا وأعادوا إنشارهن "وإعادوا إحتلالهن" بالشكل الصحيح ......بخطة طريقهم الوسخة لإنشاء شرق أوسخ جديد هدفة المرة
توسيخ الإنسان وسرطنته وتشريحه بمعنى تقطيعه تيهد حيل مقاومته وينهكه ويقتل نفسه بنفسه ....بشي سكّــينة طائفية وشي بمنشار إقليمي وشي بهراوة أهلية
وهلم جرا...
وكمان
ترى رح احكيها بالمشرمحي .... فلسطين لم تستقل بعد ولم تحرر (ما شلنا الغدة السرطانية يللي فيها) لحتى نتخانق على من بدو يحكمها كأرض ويحكم شعبها كإنسان ....فعلى أية قيادة عم نتخانق؟؟؟؟
اللهم احقن دماءهم
*
*
*
إلى فلسطين
طريق واحد يمــر مــــن فوهة بندقية
وطن
يا جرحا عانق بندقية
هديراً وأنينا على طريق الحرية
(وأرجو كجسد إنساني أن لا أرثي نفسي "الوطن")
لا الإبداع في القتل ...
وطن
أضف تعليقا
اضيف في 11 يناير, 2007 12:09 م , من قبل كمال الخطيب
من المملكة العربية السعودية
من المملكة العربية السعودية
كأسك يا وطن
اسقني من كأسك آخي
و املأ الأقداح دمي
وارفع الكأس , تحيه
للنشيد الوطني
أنت في ( البار ) أخي
أفديك أمي وأبى
خارج ( البار ) عدوي
وعدوي ... ارتجي
يا وطن الجسد بلا وعي
والأرض حزنا تدمعي ؟
حطمي الكأس , اقطعي يدي
لكنني سأبقى ابنك ...
وستبقي وطني
كمال الخطيب
11/1/2007
أضف تعليقا
<<الصفحة الرئيسية
.
.
من المملكة العربية السعودية
للأسف وأقولها لاأمل في تحرر فلسطين إلا بتوحد المسلمين...عزيزي كم سالت دموعنا عليها وجلسنا نبكي ثم جلسنا ننشجع ونحن في كل هذا لانمارس عملاً مثمراً لها...صديقي بحمد الله توصلت للسبيل لتحرير فلسطين وهو أنني سأبدأ بإصلاح نفسي أولاً وإذا فرغن من إصلاح عيوبي سوف أتفرغ لإصلاح عيوب الآخرين...سوف أنشر كل ماأرى أنه نافع لكي يستفيد منه كل مسلم لنصبح أقوى...وقبل وبعد كل هذا سوف تصبح الدعوة للوحدة الإسلامية هي ددندني الذي أعزف عليه.